Tiranë, 15 mars, NOA - "Është një detyrë shumë e vështirë, por Shqipëria ka një sistem të mbrojtjes së konsumatorëve, deri diku efiçent dhe qeveria është duke punuar për ta përsosur këtë sistem dhe të gjitha hallkat e tij".
Një deklaratë të tillë, ministri i Ekonomisë, Tregtisë dhe Energjetikës, Dritan Prifti, e ka bërë gjatë një aktiviteti me rastin e ditës së Mbrojtje së Konsumatorit.
Sipas tij, mbrojtja e konsumatorit është një çështje e një rëndësie të veçantë dhe rritja e nivelit të saj përbën një objektiv të qeverisë shqiptare.
"Qeveria është duke reformuar gjithë sistemin e inspektimit në vendin tonë. Në këtë reformë, ministrisë së Ekonomisë do t'i mbetet pjesa e mbikqyrjes së tregut dhe mbrojtjes së konsumatorit, kryesisht në aspektin teknik. Ndërsa, pjesa e mbrojtjes së konsumatorit, përsa i përket sigurisë ushqimore, do të jetë një përgjegjësi që do të mbulohet nga ministria e Bujqësisë dhe Ushqimit", bëri me dije ministri Prifti.
n.e/NOA
