Shkup, 17 mars, NOA - Kryetari i Demokracisë së Re, Imer Selmani ka paraqitur sot propozimet për ndryshimet Kushtetuese dhe Kodin Zgjedhor. Në mbledhjen e Këshillit Drejtues të Demokracisë së Re, u vlerësua se ndryshimet Kushtetuese do të përqendrohen në parimi e votimit të dyfishtë në vendimet e Gjykatës Kushtetuese. Ndërsa për Kodin Zgjedhor, Demokracia e re rikonfirmoi qëndrimin se Maqedonia duhet të jetë një njësi zgjedhore dhe listat e deputetëve në zgjedhjet e ardhshme të jenë të hapura.
Kryetari, Imer Selmani, u shpreh se DR-ja do të vazhdojë të mbrojë politikën e deri tanishme për ndryshimet kushtetuese.
Ai vlerësoi se parimi kryesor nga i cili duhet të udhëhiqet Demokracia e Re është parimi i demokracisë konsensuale që nënkupton barazi të plotë mes Shqiptarëve dhe Maqedonasve.
m.xh/NOA
