Tiranë, 18 mars, NOA Update - Hetimi i zgjedhjeve të kaluara duhet të bëhet për të fituar mirëbesimin se në Shqipëri do të respektohet në të ardhmen e drejta e votës.
Kështu e ka argumentuar deputeti socialist Pandeli Majko në fjalimin e mbajtur në seancën plenare, arsyen e kërkesës së selisë rozë për hetimin me çdo kusht të zgjedhjeve të 28 qershorit.
"Mazhoranca nuk ka përse të ketë frikë nga ky hetim, kur ne e themi qartë se nuk kemi synim që të ndryshojmë legalitetin e parlamentit, pra rezultatin zgjedhor", theksoi ai.
"Ne e dimë mirë këtë se e ka thënë Gjykata Kushtetuese", u shpreh më tej Majko, duke u bërë të qartë deputetëve të mazhorancës që nuk e kërkojnë hetimin parlamentar të zgjedhjeve për ndryshim të rezultatit zgjedhor.
n.e/NOA
