Prishtinë, 21 mars, NOA - Ministri i Arsimit të Kosovës Enver Hoxha ka deklaruar për mediat kosovare se "nuk do të ketë unifikim të teksteve shkollore ndërmjet Republikës së Kosovës dhe asaj të Shqipërisë".
Ai ka sqaruar se marrëveshja e firmosur pak ditë më parë mes ministrisë së Arsimit kosovare dhe asaj shqiptare, ka patur të bëjë me ngritjen e cilësisë së teksteve, në kuadër të programeve arsimore të Bashkimit Evropian.
Hoxhaj ka shtuar se bashkëpunime do të vazhdojnë edhe me shtete të tjera të BE-së. Sipas Hoxhajt, Kosova është shtet i pavarur dhe ka sistemin e vet arsimor dhe se bashkëpunimet në fushën e arsimit për ngritjen e cilësisë së arsimit do të vijojnë edhe me shtete të tjera.
m.xh/NOA
