Fier, 21 Mars NOA - Një sasi e konsiderueshme lënde e fortë narkotike u zbulua pasditen e sotme pas një operacioni të koduar policor me emërtesën "Dalja", duke çuar në arrestimin e dy personave të dyshuar si trafikantë.
Korrespondenti i agjencisë NOA informon se janë arrestuar Altion Troka dhe Rafale Troka, që të dy lindur e banues në Fier.
Ndërsa po udhëtonin me automjetin e tyre me targa të Vlorës VL 4248 C, në dalje të qytetit Fier, u ndalën nga policia e cila pranoi se kishte informacione paraprake.
Gjatë kontrollit, të dyshuarve iu gjetën dhe sekuestruan si provë materiale sasia prej dy kilogramë lëndë narkotike e llojit heroinë në katër qese me nga gjysmë kilogrami secila.
Policia tha se po heton për linjën e trafikut që ndiqnin të dyshuarit dhe destinacionin e drogës së fortë që në tregun e zi kap vlerën 100 mijë euro.
e.b/e.r/NOA
