Bruksel, 23 mars, NOA - Monedha evropiane, euro, ka njohur rënie përballë dollarit, si pasojë e pasigurive që lidhen me krizën greke. Në tregun financiar evropian një euro është shkëmbyer me 1.352 dollarë, krahasuar me 1.356 dollarë që shkëmbehej në mbyllje të bursës amerikane të hënën.
Rënia e euros lidhet me spekulimet se Bashkimi Evropian do të japë fonde ndihme për ekonominë greke. Këto deklarata kanë bërë që tregu të reagoj në mënyrë të menjëhershme.
Kryeministri grek, Jorgos Papandreu, ka përsëritur se vendi i tij përballet me falimentimin në rast se nuk do të ketë ndonjë ndihmë konkrete financiare.
NOA/EL
