Buenos Aires, 24 mars, NOA - Me rastin e përvjetorit të grushtit të shtetit në Argjentinë më 24 mars 1976, ku 30 mijë vetë u zhdukën gjatë diktaturës, organizatorët e të drejtave të njeriut i kanë bërë thirrje të gjithë përdoruesve të rrjetit social, Facebook, që nesër më 24 mars të heqin gjatë ditës foton ose imazhin nga profili i rrjetit social.
"Këtë 24 mars fshini fotot e profilit për të kujtuar të zhdukurit, solidarizohuni me ne", thuhet në tekstin, i cili ka kohë që qarkullon në mesin e përdoruesve të Facebook në Argjentinë.
"Qëllimi, është pikërisht, për të kujtuar viktimat e regjimit të fundit ushtarak në vend, me rastin e 34-vjetorit të grushtit të shtetit, siç ka ndodhur edhe në vende të tjera, për shembull, pas zgjedhjeve të fundit presidenciale në Iran", kanë thënë nxitësit e projektit.
a.k/NOA
