Torino, 26 Mars NOA - Skuadra e bardhë e zinjve të Juventusit këtë herë ka marrë një disfatë tjetër në fushën e Napolit, ku vendasit arritën të fitonin me rezultatin 3 me 1.
Juventus me këtë humbje konfirmon edhe një herë momentin tepër të vështirë që po kalon dhe krahas saj tashmë mund të themi se kualifikimi i tyre për në Ligën e Kampionëve po bëhet gjithnjë e më i vështirë.
Në sfidën e djeshme të parët që kaluan në avantazh ishin djemtë e Zakeronit, të cilët realizuan në pjesën e parë me anë të Chiellinit. Më pas në pjesën e dytë të garës ishte skuadra vendas e cila krijoi një lojë mjaft të mirë ku si fillim ata humbën një penallti me Hamsik, ku ky i fundit arriti të shënonte më tej duke barazuar rezultatin. Për të çuar rezultatin në shifrat përfundimtare të garës menduan Quagliarella dhe Lavezzi të cilët shënuan respektivisht nga një gol për ekipin e tyre.
Tashmë kanë mbetur dhe tetë ndeshje në Seria A dhe në qoftë se vitin e ardhshëm bardhë e zinjtë kërkojnë pjesëmarrjen e tyre në Ligën e Kampionëve, duhet të ndryshojnë rrjedhën e tyre të rezultateve.
r.b/NOA
