Mitrovicë, 26 mars, NOA - Një mision i ri i Bashkimit Evropian është hapur në mënyrë zyrtare në veri të Mitrovicës.
Bëhet me dijeni se ai mban emrin "Shtëpia e BE-së" dhe ka synimin për të çtendosur marrëdhëniet e ndera që karakterizojnë raportet ndërmjet komuniteteve në këtë pjesë të Kosovës.
Ndërkaq, thuhet se ky mision do të drejtohet nga ambasadori italian në Prishtinë, Michael Giffoni, i cili u emërua vitin e kaluar si përfaqësues i Bashkimit Evropian për Veriun dhe që do të bashkëpunojë edhe me EULEX-in dhe Komisionin Evropian.
Por autoritetet sqarojnë ndër të tjera edhe faktin se e ashtuquajtura "Shtëpia e BE-së" nuk do të përfshijë Zyrën Civile Ndërkombëtare, pasi misioni i saj në të vërtetë nuk ka të bëjë me strategjinë e autoriteteve ndërkombëtare dhe atyre vendore për integrimin e Veriut.
Sa u përket reagimeve për këtë vendim të ri, qeveria e Kosovës e ka cilësuar misionin e ri evropian si një mbështetje që u jepet institucioneve vendore për vendosjen e ligjshmërisë në Veri, kurse përfaqësuesit serbë në këtë pjesë të Kosovës, e kanë kundërshtuar atë.
n.e/NOA
