Milano, 27 Mars NOA - Është një gjendje vërtet tepër e ngatërruar ajo e Mario Balotellit në skuadrën e tij të Interit.
Me sa duket nuk ka mbetur gjë tjetër vetëm që ai të kërkojë largimin nga kjo skuadër, pasi Murinjo nuk ka ndërmend të ndryshojë vendimin e tij për të grumbulluar lojtarin në ekip.
Që Balotelli të jetë pjesë e lojtarëve të thirrur në ndeshjet e skuadrës së tij, me sa duket duhet ti kërkojë falje teknikut zikaltër por, një gjë e tillë vështirë se do të ndodhë dhe për të zgjidhja më e mirë është largimi nga kjo skuadër, gjë e cila është konfirmuar dhe nga vetë Mino Raiola.
Lojtari ka shprehur gjithmonë dëshirën e tij për të kaluar tek ekipi tjetër i Milanos dhe Milan, krahas tij ka pranuar krah hapur lojtarin në radhët e skuadrës së saj.
Gjithçka për Balotellin do të vendoset ditët në vazhdim pasi situata e tij tek Inter po bëhet gjithnjë e më e ndërlikuar.
r.b/NOA
