Tiranë, 27 mars NOA - Sekretari i Përgjithshëm i NATO-s, Anders Fogh Rasmusen, ka bërë thirrje për ngritjen e një ombrelle sigurie që do të përfshijë dhe Rusinë. Ngritja e kësaj strukture mbrojtëse synon përballjen me sulmet e mundshme raketore nga shtetet e papërgjegjshme.
"Deri tani, ky kërcënim ka qenë abstrakt në një shkallë të madhe. Nëse i hedhim një vështrim tendencave aktuale e shohim se armët raketore janë rrezik real. Mbi 30 shtete kanë apo po zhvillojnë armatim të tillë . Në shumë raste këto raketa mund të kërcënojnë popullsitë dhe territoret tona", tha Rasmusen.
Ai shtoi se raketat iraniane mund të arrijnë çdo cak në Evropë dhe një pjesë të Rusisë.
NOA/EL
