Tiranë, 29 Mars NOA Update - Aneta Rama, nëna e kryetarit të Partisë Socialiste, deklaroi sot se ajo nuk ka ndërmend që ta falë kryeministrin Sali Berisha duke konfirmuar se e kishte zyrtarizuar këtë dhe sot gjatë seancës së pajtimit të mundshëm.
Në seancën e parë gjyqësore të zhvilluar pak minuta më parë në Gjykatën e Lartë, dy avokatët e zgjedhur prej Aneta Ramës Arjan Salati dhe Eno Bushi i kanë bërë me dije kolegjit penal të përbërë nga gjyqtarët Ardrian Dvorani, Evelina Qirjako, Ardian Nuni, Irma Bala dhe Andi Çeliku se i Sali Berisha në seancën plenare të datës 26 nëntor të vitit 2009 ka shpifur në drejtim të klientes së tyre.
Sipas tyre elementët e shpifjes gjenden në dy elementë. Ata shpjegon se Berisha ishte shprehur se për 10 vjet me radhës është kuruar për sëmundjen e tij të skizofrenisë, ndërsa djali i saj e kishte nxjerrë në pazar natën me rrobat e gjumit.
Avokatët kanë shpjeguar se nuk tërhiqen nga padia e tyre dhe e legjitimojnë atë.
Nga ana tjetër avokatia e zgjedhur nga kryeministri Berisha, Erinda Ballanca është shprehur se në të tilla kushte ajo do të shprehet në seancën e radhës. Seanca u shty për në datën 12 prill ora 13:00.
Sot ishte seanca e pajtimit mes të dyja palëve, e cila nuk është pranuar nga pala paditëse.
Aneta Rama e paditi kryeministrin më 18 dhjetor të vitit 2009, për veprën penale të shpifjes së thënë botërisht parashikuar nga neni 120/2 i Kodit Penal.
e.r/NOA
