Milano, 31 Mars NOA - Tashmë kampionati italian i Seria A është rihapur dhe po bëhet gjithnjë e më interesant, ku Roma është vetëm një pikë larg Interit dhe Milan me vetëm tre të tilla.
Në lidhje me këtë situatë është shprehur vetë lojtari i Interit, Uesli Sneijder i cili ka dalë në mbrojte të ekipit të tij duke thënë se Inter është një ndër gjashtë skuadrat më të mira në Evropë dhe për këtë fakt është tepër i bindur.
Krahas saj lojtari ndihet mjaft i sigurt për sa i përket fitimit të Seria A.
"Tashmë e vetmja gjë që mund të na pengojë në fitimin e kampionatit janë vetëm dëmtimet dhe skualifikimet pasi Inter është ekipi më i fortë në këtë sezon", - deklaroi Sneijder duke shprehur bindjen e tij për sa i përket fitimit të Seria A.
Trekuartisti holandez duhet thënë se ka zhvilluar një sezon tepër të mirë për skuadrën e tij dhe gjithashtu ka theksuar se do të vazhdojë të japë maksimumin për Interin.
r.b/NOA
