Itali, 3 Prill NOA - Ishte ndarë nga jeta 7 vjet më parë, gjykata konfirmon dënimin vetëm tani. I akuzuari është ndarë nga jeta rreth 7 vite më parë por, Gjykata e Apelit në Bolonjë të Italisë sërish ka dhënë dënimin me dy vjet heqje lirie për të akuzuarin.
Personi në fjalë flitej se kishte kryer shumë plaçkitje banesash dhe për këtë arsye ai u dënua me 2 vite burgim në lidhje me një episod që kishte ndodhur në vitin 2001.
Diçka me të vërtetë e çuditshme kjo që ka ndodhur si rrjedhojë e vonimit të këtij vendimi ku vetë avokati i të akuzuarit tashmë i ndarë nga jeta, deklaroi se në qoftë se ai do të ishte në jetë sipas tij do të bënte një kërkesë e cila mund ta lironte nga kjo akuzë pasi gjykata e vonoi këtë seancë duke e shtyrë atë për 9 vjet me radhë.
r.b/NOA
