Shkup, 3 prill, NOA - Bllokimi i Maqedonisë për tu bërë pjesë e Aleancës së Atlantikut Verior dhe Bashkimit Europian mund të jetë një rrezik potencial për stabilitetin në rajonin e Ballkanit. Ky është vlerësimi i Sabine Frejzer, drejtoreshë për Evropën në Grupin Ndërkombëtar të Krizave.
Ajo ka shtruar nevojën e gjetjes së një zgjidhjeje "për çështjen e emrit". Sipas saj, Greqia të jetë më konstruktive, "ndërsa Maqedonia ta shfrytëzojë vullnetin e mirë të qeverisë greke në procesin e negociatave".
Ajo ka theksuar se kontesti i emrit duhet të zgjidhet sa më shpejt sepse rrezikon paqen dhe stabilitetin në rajon.
Vazhdimi i debatit mes Maqedonisë dhe Greqisë, sipas saj, nuk është në interesin e të dyja palëve në procesin e negociatave për emrin.
m.xh/NOA
