Uashington, 3 Prill NOA - Uashingtoni pritet të shpallë sot masat e reja për heqjen e skanimit të detyrueshëm të udhëtarëve në aeroporte që vijnë nga 14 vende, të cilat konsideroheshin të pasigurta. Një zyrtar amerikan tha se skanimi do t'u bëhet vetëm atyre udhëtarëve që dyshohen për kërcënime terroriste.
Procedurat e reja do t'i zëvendësojnë masat që u vunë në jetë pas përpjekjes për të hedhur në erë aeroplanin mbi Detroit në ditën e Krishtlindjeve, citon radio Evropa e Lirë.
