Bagdad, 5 Prill, NOA - Atentatet e së dielës në qendër të Bagdadit kanë vrarë rreth 50 vetë dhe plagosën më shumë se 200. Pas atentateve vetëvrasëse ndaj ambasadave të huaja në Irak, Bashkimi Evropian bëri thirrje për t'iu përmbajtur procesit të demokratizimit.
Asnjë atentat terrorist nuk duhet t'i ndalë irakianët nga e drejta e tyre themelore për jetë dhe paqe, deklaroi e ngarkuara e BE-së për politikën e jashtme, Catherine Ashton. Atentatorët i aktivizuan thuajse njëkohësisht automjetet e tyre të ngarkuara me lëndë plasëse para hyrjeve të ambasadave egjiptiane dhe iraniane.
Një atentator i tretë hodhi veten në erë para ndërtesës, ku janë vendosur përfaqësitë diplomatike gjermane, spanjolle dhe siriane. Dy atentate të tjera u penguan prej forcave të sigurisë.
Ministri i Jashtëm irakian Hoshjar Sebari akuzoi rrjetin terrorist El Kaida si autor të sulmeve.
m.xh/NOA/DW
