Bruksel, 7 prill, NOA - Me 1610 euro në muaj, Luksemburgu cilësohet si vendi evropian i cili ka pagën minimale më të lartë në të gjitha vendet e Bashkimit Evropian.
Lajmi është bërë me dijeni nga Eurostat, instituti europian i statistikave, i cili ka kryer një studim për pagat më të larta në vendet e BE, duke i klasifikuar në tre grupime sipas nivelit më të ulët të tyre.
Kështu, grupi i parë me pagat minimale më të ulëta përbëhet nga vende të tilla si Bullgaria, Rumania, Lituania, Letonia, Sllovakia, Estonia, Hungaria, Çekia dhe Polonia, të cilat paguajnë me pagat e ulëta prej 100-350 euro/muaj.
Ndërsa në grupin e dytë bëjnë pjesë shtetet me pagë minimale nga 500-700 euro në muaj si Portugalia, Sllovenia, Malta, Greqia dhe Spanja.
Ndërsa vendet që paguajnë më shumë ata që punojnë me paga minimale janë Britania e Madhe, Franca, Belgjika, Holanda, Irlanda dhe Luksemburgu, me 1150 euro.
n.e/NOA
