Durrës, 7 prill, NOA - Në sherr e sipër dy vëllezër janë nxehur aq shumë, saqë njëri prej tyre, në gjendje të dehur, ka rrëmbyer automatikun dhe ka plagosur tjetrin.
Ngjarja e rëndë ka ndodhur bëhet me dijeni për agjencinë e Lajmeve NOA nga burimet zyrtare të Durrësit, sipas të cilave mësohet se është arrestuar në flagrancë vëllai agresor, Ismail Kërtusha, 62-vjeç, banues i këtij qyteti.
Arrestimi i tij u bë për arsye se dyshohet se ky person, duke qenë në gjendje të pirë, është konfliktuar për motive të dobëta me vëllain e tij 47-vjeçar, duke e lënë të plagosur rëndë. I dëmtuari është dërguar për ndihmë mjekësore në spitalin e Durrësit e më pas në atë Ushtarak të Tiranës, ku edhe ndodhet jashtë rrezikut për jetën.
Lidhur me këtë ngjarje u kryen gjithë veprimet e para hetimore, ndërsa materialet proceduriale për veprat penale të "Vrasjes me dashje e mbetur në fazën e tentativës" dhe Mbajtje pa leje e armëve luftarake" iu kaluan për ndjekje prokurorisë së Durrësit.
n.e/NOA
