Korçë, 9 prill, NOA - Forcat e policisë së Korçës kanë mundur të identifikojnë autorin e vjedhjes me thyerje të kishës së "Shën Triadhës" në këtë qytet.
Lajmi bëhet me dijeni prej tyre për agjencinë e Lajmeve NOA, duke bërë me dijeni se kjo ngjarje ka ndodhur një javë më parë në lagjen 4. të qytetit të Korçës dhe se autori i saj është 31-vjeçari, Brahim Cacollari.
Ky është i lindur dhe banues në komunën Drenovë të Korçës dhe ka përvetësuar të ardhurat që ndodheshin në arkën e kësaj kishe.
Po vazhdon puna për kapjen e tij, ndërsa materialet e mëtejshme do t'i kalojnë prokurorisë së Korçës për hetime të tjera.
n.e/NOA
