Elbasan, 12 prill, NOA - Mëse 200 paketa cigaresh kontrabandë i janë sekuestruar një çifti që kishte një dyqan ushqimor në qytetin e Elbasanit.
Lajmi bëhet i ditur për agjencinë e Lajmeve NOA nga forcat policore të këtij qyteti, sipas të cilave, paketat kanë qenë të markës "Slims", ndërsa disponuesit e tyre janë personat me inicialet Y.B si dhe B.B, banues në lagjen "Skënderbej".
Nga veprimet e para proceduriale të kryera, rezultoi se këta dy persona ia kanë blerë këto paketa një të panjohur nga ana e tyre, i cili i kishte ardhur tek dyqani ushqimor dhe ua kishte shitur me një çmim të arsyeshëm paketat e lartpërmendura.
Por ato rezultuan të ishin pa pullë fiskale të ministrisë së Financave dhe prandaj u ndaluan nga forcat e policisë.
Ndërkaq, bëhet me dijeni se dy të lartpërmendurit janë shoqëruar pranë drejtorisë së Policisë së Elbasanit për sqarime të mëtejshme.
n.e/NOA
