Budapest, 12 prill, NOA - Socialistët hungarezë kanë humbur pushtetin pas tetë vjet qeverisje, duke ia lënë vendin konservatorëve të cilët fituan në zgjedhjet e djeshme parlamentare me shumicë të bindshme.
Rreth 53 për qind e votuesve i dhanë votën e tyre Aleancës së Demokratëve të Ri (FIDESZ), ndërsa socialistët fituan vetëm 19 për qind të votave.
Raundi i dytë pas dy javësh do të mbahet vetëm në ato rrethe ku në raundin e parë dje nuk ka pasur një fitues të qartë.
Ishin mëse tetë milionë njerëz të thirrur për të votuar, për të zgjedhur kështu 386 deputetët e parlamentit kombëtar në Budapest, ndërsa në zgjedhjet e vitit 2006, votuan vetëm 63 % prej tyre.
Sipas sondazheve të fundit, forcat e djathta kishin më shumë shanse për fitore në këtë vend të prekur rëndë nga kriza ekonomike dhe një gjë e tillë u vërtetua.
n.e/NOA
