Itali, 13 Prill NOA - Tashmë jemi shumë pranë ndeshjes së javës së ardhshme të kampionatit italian të Seria A ku do të zhvillohet dhe derbi i Italisë sfida midis Interit dhe Juventusit.
Një ndeshje e cila do të luhet në një moment tepër delikat të këtij sezoni ku të dy skuadrat luftojnë për objektivat e tyre respektivisht, Inter për fitimin e kampionatit ndërsa Juventus për kualifikim në Ligën e Kampionëve.
Ndeshja do të luhet ditën e premte siç është bërë e ditur më parë ku bardhë e zinjtë nuk mund të mbështeten në shërbimet e Giovicos dhe Grygeras të cilët janë dëmtuar ditët e fundit dhe mund të themi se për to ky sezon ka përfunduar.
Për sa i përket lajmeve të mira në drejtim të Juventusit është rikthimi i Diegos dhe Del Pieros në seancat stërvitore ku të dy kanë marrë pjesë rregullisht dhe mund të jenë që nga minuta e parë në sfidën e së premtes.
r.b/NOA
