Londër, 15 prill, NOA - Një vajzë tridhjetë vjeçe angleze ka gjetur punë të përsosur, një punë që e kënaq plotësisht.
Sassy Thomas, 30 vjeçe dhe 152 kilogramëshe, ka vendosur të shfaqë talentin e saj më të mirë: njerëzit e paguajnë për ta parë duke ngrënë.
"Kjo është punë e përkryer për mua, - shprehet vajza britanike për gazetën Sun, - unë mund të ha tre pica të mëdha, një darkë për katër vetë dhe një tortë me çokollatë. Unë jam krenare për atë që bëj".
"Nga kjo punë, - shton Sassy, anëtare e klubit Big Beautiful Uoman, e cila nuk ndihet aspak në siklet për trupin e saj, - mund të fitoj deri në dy mijë sterlina në muaj nga shitja e videove dhe fotografive të mia", ndërsa përpiqet të hajë një mal me ushqime.
Blerësit janë kryesisht burra të cilët pëlqejnë gratë e shëndosha.
"Në fillim nuk e besoja se do të kishte kaq shumë burra që çmenden për gra të shëndosha, - thotë Sassy, - për ata unë ndjehem si një perëndeshë".
a.k/NOA
