Tiranë, 17 prill, NOA - Partia Socialiste ka reaguar ndaj deklaratave të kryetarit të LSI-së, Ilir Meta nga qytetit i Beratit, ku akuzoi selinë rozë për dëmtim të procesit të integrimit të vendit.
Deputeti i PS-së, Simir Tahiri u shpreh se opozita është e vendosur në rrugën e saj për të larguar qeverisjen aktuale. Sipas tij, integrimin e vendit po e pengon keqqeverisja, jo opozita.
"Opozita do liri, demokraci, punësim e integrim për të gjithë, e do luftojë ballë për ballë me pushtetin e Sali Berishës e Ilir Metës për t'i dhënë shqiptarëve të drejtën e votimit e për të ndalur rrënimin ekonomik", tha ai.
Tahiri u shpreh se opozita është vërtet i vetmi problem për Sali Berishën dhe Ilir Metën, të cilët sipas tij "kanë marrë peng demokracinë".
Deputet i PS-së shtoi se Berisha dhe Meta. "kanë nënshtruar drejtësinë dhe po rrënojnë ekonominë e çdo familjeje shqiptare për interesat e familjeve në pushtet".
m.xh/NOA
