Spanjë, 19 Prill NOA - Tashmë mund të themi se është bërë tepër e qartë se ekipi i Barcelonës po kërkon me ngulm marrjen e shërbimeve të lojtarit të Arsenalit Cesc Fabregas.
Pikurish në lidhje me këtë fakt thuhet se midis presidentit të Barcelonës Laportës dhe vetë lojtarit të Arsenalit ka patur një takim i cili është zhvilluar në Marok.
Ky lajm është bërë i ditur nga vetë mediat e këtij vendi, ku gjithashtu thuhej se Laporta kishte shkuar atje për disa probleme në lidhje me profesionin e tij të avokatit.
Për sa i përket Fabregas momentalisht spanjolli është i dëmtuar dhe flitet se pikërisht për këtë arsye ai ndodhej në Marok.
Megjithatë me shumë mundësi, kjo sipas shtypit spanjoll, në fund të këtij sezoni Fabregas mund të transferohet tek ekipi i Barçës.
r.b/NOA
