Prishtinë, 19 prill, NOA - Trupat paqeruajtëse të NATO-s kanë paralajmëruar se deri nga fundi i muajit prill do të bartin përgjegjësitë e kontrollit të vijës kufitare me Shqipërinë tek Policia e Kosovës.
Lajmi u bë i ditur nga komandanti i KFOR-it, gjenerali Markus Bentler pas takimit të zhvilluar me komandantin e krahut jugor të NATO-së, admiralin amerikan, Mark Ficxherald, i cili po qëndron sot në Kosovë.
Ceremonia e dorëzimit të këtyre përgjegjësive tek policia vendore do të ndodhë më 28 prill, konfirmuan drejtuesit e forcës paqeruajtëse.
Zyrtari i lartë i NATO-s, admirali Ficxherald, tha se përmirësimi i situatës së sigurisë në Kosovë, ka mundësuar bartjen e përgjegjësive të caktuara tek autoritetet vendore të sigurisë.
"Ky është një tregues që dëshmon për gjendjen e mirë sigurisë në Kosovë dhe se këtë duhet nënkuptuar si një zhvillim pozitive", tha admirali Ficxherald.
Kalimi i përgjegjësive tek autoritetet vendase të sigurisë, u vlerësua si i rëndësishëm nga komandanti i krahut jugor të NATO-s, admirali Mark Fitzgerald, i cili tha se kjo dëshmon për një gjendje të mirë të sigurisë në Kosovë, që sipas tij, nënkupton një zhvillim pozitiv.
Trupat paqeruajtëse të NATO-s kanë bartur pak kohë më parë përgjegjësinë tek Policia e Kosovës për monumentin përkujtimor serb në Gazimestan, në afërsi të Prishtinës.
Është paralajmëruar gjithashtu edhe bartja e përgjegjësive për një numër objektesh të tjera fetare serbe, përfshirë edhe Manastiret.
n.e/NOA
