Tiranë, 20 prill, NOA - Ministria e Ekonomisë, Tregtisë dhe Energjetikës informon se rreziku nga përmbytjet është evident zonate veriut të vendit, në situatën kur në hidrocentralet në kaskadën e Drinit paraqiten të tejmbushura me ujë.
Kështu, raportohet se reshjet e shirave të vazhdueshme kanë rritur me 10 cm nivelin e ujit në hidrocentralin e Fierzës, ku sot paradite niveli i ujit ishte 296. 57 m, nga 296 metër që është kufiri maksimal, ndërsa një ditë më parë niveli i ujit ishte 296.48 cm.
Mësohet se prurjet janë rritur dhe prurjet 1260 m kub për sekondë, ndërsa shkarkimet janë 700 metër kub për sekondë.
Në hidrocentralin e Komanit niveli i ujit i regjistruar sot paradite ishte 174.34 metër, kuota maksimale duhet të jetë 172,9 m. Në këto kushte janë rritur shkarkimet deri në 1200 metër kub për sekondë, ndërsa prurjet janë 600 metër kub për sekondë. Në Hidrocentralin e Vaut të Dejës, niveli i ujit është shënuar 75, 67 cm, vetëm 23 cm larg niveli maksimal 76 metra.
n.e/NOA
