Angli, 20 Prill NOA - Sinjale të forta interesimi po vijnë në drejtim të teknikut të Interit, Hose Murinjo.
Me sa bëhet e ditur ai është në qendër të vëmendjes nga dy ekipet më të mëdha të Evropës, atij të Realit të Madridit dhe të Manchetsre United.
Do të jetë një garë vërtetë e fortë në rast se portugezi do të vendosë të largohet nga Inter.
Për sa i përket Realit ajo që dihet me siguri është largimi i Pellegrinit në fund të sezonit dhe madrilenët dëshirojnë jashtë mase që zëvendësuesi i tij të jetë pikërisht Murinjo.
Ndërsa në krahun tjetër po flitet gjithnjë e më shumë për një dorëheqje të Sir Alex Ferguson dhe vetë ai ka deklaruar se pasardhësi i tij duhet të jetë dikush i denjë për këtë post, ku Murinjo mund të themi se do të ishte ideali për United.
r.b/NOA
