Itali, 21 Prill NOA - Bernie Eclestone beson sërish dhe madje është tepër i vendosur në mendimin e tij, ku ka deklaruar se Michael Schumacher do të fitojë sërish titullin e kampionit në Formula 1.
"Ai do të fitojë sërish pasi është një pilot me eksperiencë dhe në lidhje me këtë fakt Mercedez nuk duhet të marrë asnjë menaxher në skuadër, pasi gjermani mund ta mbulojë vetë këtë rol", - këto ishin fjalët e Bernie Eclestone, për shtatë herë kampionin e botës.
Për sa i përket gjendjes aktuale sipas tij rezultatet nuk varen vetëm nga Michael, pasi është dhe vetë gjendja e makinës, e cila sipas Eclestone nuk është në nivelin e Red Bull dhe të McLaren.
r.b/NOA
