Vjenë, 21 prill, NOA - Ministri i Jashtëm i Shqipërisë, Ilir Meta ka vlerësuar se pjesëmarrja e Serbisë në takimin mbi Ballkanin Perëndimor në Sarajevë do të ishte e dobishme për tërë rajonin.
"Nuk pres që Serbia nesër ta njohë Kosovën si shtet i pavarur. Por, Serbia dëshiron të anëtarësohet në Bashkimin Evropian, prandaj është në interes të Beogradit që të jetë konstruktiv në marrëdhëniet me Kosovën", ka thënë Meta për gazetën austriake "Presse".
Shefi i diplomacisë shqiptare gjithashtu ka shfaqur shpresën se qytetarët e Shqipërisë brenda këtij viti do të mund të udhëtojnë pa viza në vendet e Bashkimit Evropian.
NOA/RFE
