Lushnjë, 21 prill, NOA - Dy persona kanë vjedhur me armë një fuoristradë tip "KIA" në autostradën Fier-Lushnjë me targë CV 432 XL, në përdorim të një 38-vjeçari me inicialet A.D, ndërsa ajo është gjendur më pas e braktisur në vendin e quajtur "Pushimi i Shoferit" në Lushnjë.
Lajmi konfirmohet nga burimet policore të Lushnjës për agjencinë e Lajmeve NOA, sipas të cilave, është arrestuar në flagrancë njërin prej hajdutëve, 47-vjeçarin Kujtim Bodo, ndërsa po punohet për kapjen e Julian Sulas, autorit të dytë të kësaj ngjarje si dhe identifikimin e kapjen e autorit të tretë të saj.
Ndaj tyre rëndon vepra penale "Vjedhje me armë e kryer në bashkëpunim", parashikuar nga nenet 140 dhe 25 të Kodit Penal, ndërsa materialet do t'i dorëzohen prokurotisë për veprime të mëtejshme.
n.e/NOA
