Uashington, 22 prill, NOA - Misioni i Kombeve të Bashkuara në Kosovë mbetet në një pozicion unik për të lehtësuar dialogun mes bashkësive etnike.
Kështu thuhet në raportin e sekretarit të Përgjithshëm të Organizatës së Kombeve të Bashkuara Ban Ki Moon, lidhur me situatën në Kosovë.
Ai ka shkruar në faqet e tij se vazhdimi i mbështetjes për aktivitetet e UNMIK-ut nga bashkësitë etnike në terren, nga Prishtina e Beogradi, si dhe nga Këshilli i Sigurimit dhe bashkësia ndërkombëtare në përgjithësi ka një rëndësi themelore.
"Qëllimi strategjik i UNMIK-ut mbetet çuarja përpara e sigurisë, qëndrueshmërisë dhe respektimit për të drejtat e njeriut, përmes përfshirjes në dialog të të gjitha bashkësive etnike në Kosovë, të Prishtinës, Beogradit si dhe të aktorëve rajonalë e ndërkombëtarë", pohon ai ndër të tjera.
n.e/NOA
