Durrës, 22 prill, NOA - Përplasja me një makinë në autostradën Tiranë-Durrës, i ka kushtuar jetën drejtuesit të një motoçiklete, i cili deri në këto momente është ende i paidentifikuar nga forcat e policisë.
Por ato bëjnë me dijeni se gjatë procedimeve të para hetimore në vendngjarje, atij i është gjendur në xhep një leje qarkullimi në emrin e Musli Bajramit, 45-vjeç si dhe një akt përdorimi në emër të Astrit Krasniqit, 40-vjeç; që të dy të lindur në Tropojë dhe banues në Tiranë.
Ndërkaq, forcat policore janë duke punuar për identifikimin e viktimës, ndërsa materialet për veprën penale të shkeljes së rregullave të qarkullimit rrugor iu dërguan për ndjekje prokurorisë së Durrësit.
n.e/NOA
