Pogradec, 24 prill, NOA - Problemet e njohjes së pronës dhe shpronësimeve nga ana e qeverisë kanë qenë temë e takimeve dhe të deputetes së Partisë Socialiste Mimi Kodheli.
Deputetja e PS-së pasi është njohur me problematikën e fshatrave Piskupat dhe Lin të Pogradecit ka theksuar se kjo mazhorancë nuk mund të zgjidh problemet e tyre.
Banorët i kanë shprehur deputetes së PS shqetësimet e tyre në lidhje me problemet e pronësisë, të mbivendosjes së tokave, si edhe për shpronësimet.
Ndërsa banorët e fshatit Lin janë ankuar se nuk kanë marrë asnjë qindarkë nga qeveria për shpronësimet e pronave të tyre, pas projektit për zgjerimin e rrugës Qafë-Thanë.
Deputetja socialiste Kodheli gjatë fjalës së saj ka theksuar se kjo qeveri ka qenë shurdhe përpara problemit të pronësisë dhe se korrupsioni në nivel lokal është i pamatë.
"Kjo qeveri është e pazonja për të zgjidhur problemin e pronësisë. Qytetarët nuk marrin dëmshpërblimin e merituar për shpronësimet e bëra", tha mes të tjerash deputetja dhe anëtarja e Kryesisë së PS në Pogradec.
m.xh/NOA
