Tiranë, 25 prill, NOA - Kryetari i Lëvizjes Socialiste për Integrim, Ilir Meta deklaroi sot se mesazhet që vijnë nga opozita në momentet me deçizive të integrimit të vendit nuk janë pozitive. Në mbledhjen e Komitetit Drejtues Kombëtar të LSI-së, Meta theksoi se opozita ka deklaruar vet se mbështet "alternativën e Kirgistanit", duke ju referuar marrjes së pushtetit me dhunë.
Në fjalën e tij, Meta ka theksuar se LSI-ja i ka dhënë një vlerë të re qeverisjes dhe politikës në vend me futjen e saj në koalicion me PD.
"Ne duhet të jemi krenar për zgjidhjen që kemi bërë, gjë që ka rritur dhe më tej profilin e LSI-së, si forcë që i kontribuon normalitetit dhe stabilitetin makroekonomik të vendit", tha Meta.
Kryetari i LSI-së foli dhe për integrimin e vendit dhe procesin e liberalizimit të vizave duke e cilësuar këtë si në objektiv të realizueshëm.
Por kreu LIS-së është ndalur gjatë në atë që ai e cilësoi si alternativë të gabuar të Partisë Socialiste. Meta u shpreh se opozita po dëmton imazhin e vendit.
m.xh/NOA
