Tiranë, 27 prill, NOA Update - Emërimet e reja në Gjykatën Kushtetuese kanë mbetur në dorën e presidentit të Republikës, Bamir Topi dhe se politika shqiptare pret që ato të paraqiten sa më parë në parlament ku do të realizohet edhe shqyrtimi i tyre.
Një fakt të tillë e ka bërë me dije kryeministri Berisha i pyetur nga mediat gjatë një dalje publike në mjediset e Bibliotekës Kombëtare me rastin e ceremonisë së përkujtimit të 100-vjetorit të librit të Ismail Malosmanit.
"Presim që presidenti i Republikës, Bamir Topi, të paraqesë dekretimin e kandidatëve të Gjykatës Kushtetuese pasi është atribut i tij.
Më pas, parlamenti do t'i shqyrtojë ato duke përdorur një procedurë sa më transparente", tha kryeministri Berisha lidhur me një fakt të tillë.
"Kjo është mënyra më transparente dhe më e mirë e zgjidhjes. Nëse Presidenti ka të drejtën e përzgjedhjes se ia ka dhënë Kushtetuta, parlamenti ka të drejtën e pëlqimit larg mënyrave vesh më vesh dhe pas kuintave", përfundoi ai.
n.e/NOA
