Barcelonë, 29 prill, NOA – Skuadra e Interit do të jetë finalistja e dytë e Ligës së Kampionëve, pasi ka arritur të mundë në ndeshjen e djeshme gjysmëfinale ekipin e Barcelonës, me rezultatin 1-0.
Nga minuta e parë e takimit, Barcelona ishte skuadër dominuese në fushë dhe loja zhvillohej në gjysmëfushën e Interit, por nuk arritën të shënojë ndonjë gol në pjesën e parë.
Momenti më i rëndësishëm i pjesës së parë, ishte përjashtimi i Thiago Mottas me kartonin e dytë të verdhë (28’), dhe megjithatë Barcelona nuk arriti ta shfrytëzojë epërsinë numerike në fushë.
E njëjta skenë në fushë u shfaq edhe në pjesën e dytë, ku megjithëse me më pak lojtarë, Interi nuk u mposht dot nga Barcelona.
Nga ana e tij, Bajerni i Mynihut arriti të shkojë në finale pas një fitore të shënuar në gjysmëfinalen e para pak ditëve me ekipin e Lionit.
n.e/NOA
