Spanjë, 2 Maj NOA - Në momentin më të vështirë dhe më kritik të kampionatit ekipi i Barcelonës në ndeshjen me Villarealin i ka besuar formacionin lojtarëve të rinj duke lënë jashtë Ibrahimoviç dhe arriti të fitojë me rezultatin e thellë 4 me 1.
Një sukses mjaft i rëndësishëm ky për djemtë e Guardiolës të cilët me këtë fitore mbajnë distancën e tyre të pikëve ndaj vendit të dytë ku ndodhet Reali i Madridit.
Ishte një dopietë e Messit një goditje dënimi mjaft e bukur e realizuar nga Xavi dhe një gol i Bojan të cilët bënë të mundur avantazhin e katër golave për ekipin e Barçës, ndërsa për sa i përket Villarealit goli i vetëm u shënua nga Llorente.
Pas eliminimit nga Liga e Kampionëve Barcelona kërkon me ngulm fitim e kampionatit spanjoll në të cilin është duke u rivalizuar me skuadrën e Realit.
r.b/NOA
