Tiranë, 02 maj, NOA – Partia Socialiste i ka zhvendosur deklaratat për shtyp nga selia e partisë në bulevardin “Dëshmorët e Kombit” ku janë vendosur dhe grevistët. Deputetja e PS, Rudina Seseri reagoi sot për situatën ekonomike duke e cilësuar atë të papranueshme.
Seseri ju referua deklaratave të kryeministrit Berisha për ndërtimin e centralit bërthamorë me Italinë, duke shtuar se një marrëveshje të tillë, “Italia e firmosur me vende të tjera”.
Seseri akuzoi përfaqësuesit e qeverisë për mos marrje të masave për krizën ekonomike. Ajo u shpreh se “Qeveria mban një qëndrim të papërgjegjshëm ndaj krizës ekonomike”.
Më pas Seseri e lidhi situatën ekonomike me problemin e hapjes së kutive, duke deklaruar se qeveria duhet të largohet. “Qeveria e sotme është e paaftë të menaxhojë krizën”, u shpreh Seseri.
m.xh/NOA
