Tiranë, 03 maj, NOA – Presidenti i Republikës në pritjen e organizuar për Ditën Ndërkombëtare të Lirisë së Shtypit, pas mesazheve vlerësuese për median në vend, ka tërhequr vëmendjen dhe për sjelljen e mjeteve të informacionit në raste të caktuara.
Topi u shpreh se media duhet të jetë e aftë të sjellë informacione dhe të tregohet objektive në të gjitha rrethanat.
“Ndryshe, - tha Topi - do të bënim vetëm leksione për demokracinë dhe jo kontribues të saj”.
Ai u shpreh se dhe aktorët institucional duhet të jenë shumë të kujdesshëm që të publikojnë jetën brenda institucioneve.
Kreu i shtetit u ndal në zhvillimin teknologjik të medias dhe në krijimin e një elite të re profesionale, sipas standardeve ndërkombëtare.
m.xh/NOA
