Tiranë, 04 maj, NOA – “Partia Socialiste nuk kërkon ndryshimin e rezultatit, por hetimin e zgjedhjeve”. Kjo është deklarata që ka bërë deputeti i Partisë Socialiste, Damian Gjiknuri, sot në lidhje me pretendimet e Partisë Demokratike se nuk ka një vendim gjykata për hetimin e zgjedhjeve.
Gjiknuri tha se “ndjehemi të trishtuar kurë përsëriten të njëjtat argumente që nuk kanë asnjë bazë ligjore”.
Gjiknuri theksoi edhe në cilësinë e hartuesit të Kodit Zgjedhor se “nuk ka asnjë vendim gjykate që të pengojë hapjen e dokumenteve të zgjedhjeve”.
Ai theksi se përfaqësuesit e Partisë Demokratike duhet të tregojnë se cili vendim e ndalon hetimin e zgjedhjeve dhe transparencën.
“Në themel të kërkesës është hetimi i këtij dokumentacioni. Duhet të nxjerrim përgjegjësitë e duhura ligjore dhe institucionale. Çdo deklaratë tjerë është absurde”, u shpreh Gjiknuri.
m.xh/NOA
