Itali, 3 Maj NOA - Tekniku i Sampdorias Delneri është shprehur mjaft optimist për sa i përket të ardhmes së ekipit të tij. Pas fitores që arritën të merrnin me ekipin e Livornos tashmë mund të themi se Sampdoria është shumë pranë kualifikimit për në Ligën e Kampionëve, ku mjaft vendimtare do të jenë ndeshjet e fundit të kampionatit.
“Nuk kemi gabuar asnjëherë në takimet e rëndësishme dhe shpresoj që këtë fund kampionati ta mbyllim në mënyrën ë të mirë”, - deklaroi tekniku i cili ka shprehur besimin e tij në drejtim të skuadrës. Për vetë ekipin e Sampdorias, pozicioni që kanë në klasifikim, është mjaft i rëndësishëm dhe duhet thënë se një kualifikim në Ligën e Kampionëve për këtë sezon, do të jetë një sukses i vërtetë për ekipin. Megjithatë siç ka theksuar vetë Delneri çdo gjë do të vendoset në fushën e lojës dhe për këtë fakt duhet të presim deri në minutën e fundit të garës finale të kampionatit. r.b/NOA
