Uashington, 4 maj, NOA - Shtetet e Bashkuara të Amerikës zotërojnë plot 5.113 raketa bërthamore të gatshme për përdorim.
Kjo është shifra e parë e publikuar nga Uashingtoni zyrtar në lidhje me arsenalin bërthamor që ky vend zotëron plot 5.113 raketa bërthamore, të gatshme për shpërthim.
Të dhënat komunikohen nga ministria e Mbrojtjes amerikane, sipas së cilës, publikimi i këtyre shifrave, po bëhet në emër të rritjes së transparencës në kuadër të konferencës së OKB-së për marrëveshjen mbi mospërhapjen e armëve bërthamore,
Ndërkaq, zëdhënësi i Pentagonit, Dave Lapan ka deklaruar ndër të tjera se “mes viteve 1994 dhe 2009, Shtetet e Bashkuara të Amerikës çaktivizuan rreth 8.748 raketa bërthamore”.
E ndërsa pohon se disponon këtë arsenal bërthamor, SHBA ka kritikuar sërish Iranin në lidhje me programin e tij i cili “përbën një rrezik të madh”.
n.e/NOA
