Kriza - Bashkimi Europian Rishikon Parashikimin E Rritjes Së Pbb-Së Për Vitin 2010
BRUKSEL, 5 maj /ATSH-ANSA/ - Komisioni i Bashkimit Europian ka rishikuar sot parashikimet për rritjen në zonën euro, duke njoftuar se në vitin 2010 Prodhimi i Brendshëm Bruto do të rritet me 0.9 për qind, kundrejt 0.7 për qind që ishte parashikuar në muajin shkurt.
Për vitin 2011 PBB-ja parashikohet të rritet me 1.5 për qind.
"Rimëkëmbja ekonomike e BE-së është graduale, por po ecën përpara pozitivisht", thuhet në një deklaratë të Brukselit zyrtar, pavarësisht se "kërkesa e dobët e brendshme vazhdon t'i japë rritjes një karakter të përmbajtur".
Megjithatë rritja ndryshon nga vendi në vend. Në krye qëndron Franca me +1.3 për qind në vitin 2010 dhe Gjermania me +1.2 për qind. Ndërsa në recension mbetet Greqia me -0.9 për qind dhe Spanja me -0.4 për qind.
/e.v/
