Soft News - Anglezët? 25 Milionë Stërlina Baste Për... Zgjedhjet Parlamentare!
LONDËR, 5 maj /ATSH-ANSA/ - Ndoshta falë debateve televizive? Apo ndikimit të liberaldemokratëve, të cilët kanë rigjallëruar dypolaritetin e politikës britanike?
Sido që të jetë kjo fushatë elektorale kaloi të gjitha parashikimet për qytetarët britanikë.
Këtë e konfirmon agjencia ''Paddy Power'', sipas së cilës ka një rritje të ndjeshme të basteve legale për rezultatet e zgjedhjeve të nesërme parlamentare.
Britanikët kanë vënë 25 milionë stërlina baste, kundrejt 20 milionë të tillave të parashikuara përpara filllimit të fushatës elektorale si edhe shumë më tepër nga 10 milionë stërlina që u vunë për zgjedhjet e vitit 2009.
Fenomeni i këtyre basteve ishin liberaldemokratët, që kuotoheshin në raportin 200/1 për fitoren, por pas suksesit të Nick Clegg ata kanë kaluar në raportin 10/1./
a.jor.
