Tiranë, 8 maj, NOA – Gjatë këtyre ditëve, më 8-9 maj, në mjediset e Qendrës Kombëtare të Kulturës për Fëmijë, me mbështetjen e ministrisë së Turizmit, Kulturës, Rinisë e Sporteve organizon Festivalin e 47-të të Këngës për Fëmijë, i cili do të zhvillohet në sallën e madhe të Akademisë së Arteve.
Me skenografi të Bashkim Zahajt, skenar të Jorgo Papingjit dhe regji të Klaudia Hiles, do të vijnë në skenën e festivalit të 47 të Këngës për Fëmijë të Tiranës, krijime nga emra të njohur të muzikës shqiptare, si Alfred Kaçinari, Edmond Veizi, Adrian Hila, Edmond Zhulali, Petrit Tërkuci, Kristi e shumë të tjerë.
Surpriza e këtij festivali do të jenë të ftuarit si këngëtarja Olta Boka, fituesja e edicionit të fundit të talent shou “Gjeniu i Vogël” Laura Gjipi, si edhe numrat koreografike nga koreografet Blerina Arbana e Llaqi Nako.
n.e/NOA
