Prishtina, 8 Maj, NOA - Presidenti i Kosovës, Fatmir Sejdiu pas kthimit nga vizita zyrtare në Gjermani, u shpreh për mediat se qeveria gjermane mbështet Kosovën dhe proceset integruese të saj.
Kreu i shtetit kosovar u shpreh se vizita ishte jashtëzakonisht e suksesshme dhe e një rëndësie të veçantë.“Kjo vizitë vjen në kuadër të mbështetjes së fuqishme që i jepet Kosovës”, tha Sejdiu.
Presidenti i Kosovës u shpreh se ka marrë konfirmimin për mbështetjen e gjithanshme të Gjermanisë, dhe se udhëheqësit e këtij shteti do të vazhdojnë lobimin për njohjen e shtetit të Kosovës.
“Ishte një vizitë me peshë të veçantë, një mikpritje e jashtëzakonshme dhe një konfirmim i fuqishëm i RF Gjermane për të mbështetur Republikën e Kosovës. Kjo u reflektua edhe në takimin me presidentin Kohler, me kancelaren e shtetit, zonjën Merkel, me ministrin e Jashtëm, Guido Westerëelle, si dhe me kryetarin e Parlamentit, z. Norbert Lammert”, tha Sejdiu.
Ai u ndal dhe në takimit me komunitetin e biznesit, Komitetin e Ekonomisë Lindore Gjermane dhe Komitetin e përbashkët të Ekonomisë Gjermano-Kosovare, por edhe me personalitete të tjera.
m.xh/NOA
