Barroso: Përpjekjet Për Dobësimin E Stabilitetit Të Euros Nuk Do Të Kenë Sukses
BRUKSEL, 10 maj /ATSH-AFP/ - Presidenti i Komisionit Evropian, Jose Manuel Barroso deklaroi se marrëveshja evropiane e paprecedent për të mbrojtur euron, e arritur sot "do të garantojë që të gjitha përpjekjet për të dobësuar stabilitetin e euros të mos kenë sukses".
"Kemi deklaruar se do të bëjmë gjithçka të nevojshme për të mbrojtur stabilitetin e euros. Dhe kjo është ajo që kemi arritur sot", u shpreh Barroso, gjatë një forumi me ekspertë të ekonomisë në Bruksel, ku u mor vendimi historik.
"Marrëveshja tregon vendosmërinë e të gjithë Bashkimit Evropian për t'u ndodhur pranë shteteve të tij anëtare në një moment kur ato përballen me kërcënime serioze nga vështirësitë ekonomike të krijuara nga rrethana të veçanta që tejkalojnë kontrollin e ushtruar prej tyre", theksoi ai.
Në rreze kohore prej 48 orësh, kur u zhvillua samiti i drejtuesve evropianë të së premtes dhe takimit të ministrave të Financave të së dielës, BE-ja "arriti një marrëveshje që do të na mundësojë të reagojmë në një mënyrë zinxhir, të shpejtë dhe efikase kundrejt vështirësive nuk ka rëndësi se në cilin vend të zonës euro", theksoi Barroso./
/i.p/ a.jor.
