Ekon - Rumani - Presidenti Basescu Kërkon Uljen E Pagave Dhe Pensioneve
BUKURESHT, 10 maj /ATSH-MIA/ - Presidenti rumun, Traian Basescu deklaroi se, nëse rrogat dhe pensionet nuk zvogëlohen, atëhere Rumanisë do t'i duhet të kërkojë hua të re, çka merr peng të ardhmen e vendit dhe të miliona rumunëve.
Basescu deklaroi se njëri nga qëllimet e programit me Fondin Monetar Ndërkombëtar është zvogëlimi i buxhetit shtetëror.
Vetëm këtë vit, duhet të paguhen më shumë se 10 miliardë euro për marrëveshjet e rëna dakord dhe mbi 1,8 miliardë euro kamata.
"Nëse nuk zvogëlohen rrogat dhe pensionet në vitin 2011, atëhere do të duhet të kërkojmë kredi të re", theksoi Basescu.
Sipas parashikimit më të ri të FMN-së, Rumania këtë vit nuk do të regjistrojë rritje ekonomike./
a.jor.
